Umunyamakuru KNC yiseguye kuri mugenzi we yari yirengeje anatanga umucyo ku bibazo cya Gasogi United

Perezida wa Gasogi United,Kakooza Nkuliza Charles,KNC nyuma y'uko yakije umuriro ku munyamakuru wa Fine FM,Ishimwe Ricard avuga ko yatangaje ko iyi kipe ayobora imaze amezi 4 idahemba abakinnyi bayo, yaje kwisegura ndetse yemeza ko ikipe ibafitiye umwenda w'amezi abiri gusa.

Kuri uyu wa Kabiri tariki 02 Mata 2024, ubwo Abanyamakuru ba Fine FM bari bari mu kiganiro cy’imikino kizwi ku izina ry’Urukiko rw’urujurire,uyu munyamakuru yavuze ko afite amakuru ahagazeho ko abakinnyi ba Gasogi United bamaze amezi 4 badahembwa ndetse akaba yarabibwiwe na bamwe muri bo.

Kakooza Nkuliza Charles,KNC bishoboka ko yari arimo kumva iki kiganiiro, yahise yandikira umuyobozi wacyo Sam Karenzi amusaba ko yabahamagara kuri Fine FM kugira ngo ashyire umucyo kuri iki kibazo,maze baramwerera ati”Biteye isoni kumva radiyo twubaha iriho umuntu umeze nkaho afite ikibazo mu mutwe,ambabarire kuba nkoresheje iyo mvugo.

Ayo mezi 4 arimo avuga azi amafaranga twishyura abakinnyi bacu ,azi abakinnyi bacu igihe bahemberwa usibye gufata umwanda avana ku muhanda gusa.

Ni njewe uhemba Gasogi United, nubwo twababamo ikirarane ariko ibyo bintu avuga nta hantu bihuriye. Uri umugabo nubaha(Sam Karenzi) uwo mwana nareke gutesha agaciro iyo radiyo.

Ashobora gutanga ibimenyetso ko abakinnyi ba Gasogi United bamaze amezi 4 badahembwa… Hari ibyo tujyamo tukagerageza ariko hari ukurengera.

Njyewe mbikubwiye nk’umukoresha wa Gasogi United, ntabwo nshingiye ku bintu baba bashaka gutondagira abandi kubera ko birukanwe kubera kudashobora.Ibyo rero ndashaka mubwire uwo mwana atandukanye ibintu n’ibimenyetso byo kuvugiraho .

Karenzi mbikubwiye ku mugaragaro, nta mezi 4 Gasogi United ibereyemo abakinnyi bayo .

We niba azi amakuru kurusha njyewe nyiri ikipe, ubwo rero Ricard ashobora kuba koko ari umuhanga mu butasi ,niyo mpamvu nakubwiye nti niba afite amakuru kurusha twebwe ba nyirabyo.Mbere na mbere ni inkuru yo guharabika kuko ntabwo yigeze ampamagara ngo muhe uruhande rwanjye..

Ariko icyo nkubwira cyo ni kimwe, hari aho bizagera bihinduke njyewe ku giti cyanjye kandi ndabizi rwose ubusiporutifu bugira iherezo.

Uyu munyamakuru Ishimwe Ricard yahise asaba ko bamumuha umwanya nawe bakavugana maze avuga ko ku wa Kane yari kumwe n’abakinnyi 4 ba Gasogi United bakamubwira ko badaheruka guhembwa ko iyo ageze(KNC) mu myitozo aba yarakaye bakabura uko bamwishyuza.

KNC yahise agira ati”Twumviane nta n’ikintu nkugomba,icya mbere nta n'ubwo nshaka kuvugana nawe.

None se reka nkubaze, usibye wenda ubwenge buke,reka nkubwire wowe ubwawe ni amahano kwitwa umunyamakuru bitewe n’ibintu ukora,icyambere ukumva wese yumva ko ufite ubwenge buke……..

Twebwe ntabwo tugendera ku gitutu cy’abantu babuze ibyo bavuga,bavuga ibintu bisuzuguritse,mumbabarire kuba mbivuze ariko Ricard ntabwo ukwiye kuba umunyamakuru”.

Ishimwe Ricard nawe yahise avuga ko ubushobozi afite abuzi ndetse ko naho bamuhaye akazi kuri Fine FM hari ubwo bamubonyemo bityo ko niba kuvuga ko Gasogi United itahembye bizajya bituma umuntu agirana ikibazo na KNC ,we n'undi munsi azumva ko itahembye azabivuga ndetse ko nta n'icyo bimubwiye.

Nyuma KNC yaje kwisegura ku magambo atari meza yakoresheje kuri Radiyo ndetse anavuga ko avugishije ukuri abakinnyi babareyemo umushahara w’amezi 2 gusa.

Usibye uyu munyamakuru wa Fine FM ,benshi bakunze kugaragaza ko iyo uvuze nabi Gasogi United uhita ugirana ikibazo na KNC ndetse akaba yanakubwira nabi.

Inkuru ya INYARWANDA.COM

Comments

INKURU ZIKUNZWE

Abantu 11 batawe muri yombi bazira gufata amafunguro mu gisibo cya Ramadhani

Polisi ya kisilamu muri Nigeria izwi ku izina rya Hisbah, yataye muri yombi Abayisilamu 11 bafashwe bari kurya mu gisibo cya Ramadhan. Aba Hisbah yataye muri yombi nabo muri leta ya Kano yo mu Majyaruguru ya Nigeria, bombi bafashwe barya mu masaha atemewe. Ikinyamakuru African News cyatangaje ko Umuvugizi wa Hisbah, Lawal Fagge, yatangaje ko hafashwe abagabo 10 hafi y’amasoko, ndetse n’umucuruzi w’umugore wafashwe arya ku bicuruzwa bye. Yagize ati: “Twabonye abantu 11 barimo umudamu ugurisha ibinyomoro byagaragaye ko arya ku bicuruzwa bye.” Nyuma yaho abo 11 biyemeje kwirinda ibiribwa cyangwa ibinyobwa byongeye kandi imiryango yabo yasabwe gucunga niba biyiriza ubusa koko. Icyakoze Fagge akomeza avuga ko abatari Abayisilamu batazafungwa mu gihe bazafatwa babagurisha ibiryo mu gisibo. Abayisilamu biyiriza ubusa kuva izuba rirashe kugeza rirenze mu gisibo cya Ramadhan bakaba baragitangiye ku ya 11 Werurwe kugeza ku ya 9 Mata.

Abahanzi Chriss Eazy na Shaffy bari mu byishimo nyuma y'uko indirimo bakoranye iciye agahigo ku rubuga rwa YouTube

Abanyamuziki Shaffy ubarizwa muri Leta Zunze Ubumwe za Amerika ndetse na Chriss Eazy ubarizwa mu Rwanda, bari mu byishimo bikomeye nyuma y’uko indirimbo bakoranye bise ‘Bana’ yujuje Miliyoni 10 ibafasha kujya ku rutonde rw’abahanzi bamaze guca aka gahigo. Ni ibintu bagezeho mu ijoro ryo kuri uyu wa Kane tariki 4 Mata 2024, nyuma y’amezi arindwi ashize iyi ndirimbo bayishyize hanze ku mbuga zitandukanye zicururizwaho umuziki. Yarakunzwe cyane mu buryo bukomeye, iracengera ahanini binyuze ku bantu bayirebaga ku muyoboro wa Youtube wa Shaffy. Iyi ndirimbo yakozwe mu buryo bw’amajwi na Producer Element yagiye hanze ku wa 26 Ukwakira 2023, bivuze ko nta mwaka urashira aba bahanzi bombi bahuje imbaraga. Yanditswe kandi igirwamo uruhare n’abarimo Shaffy, Chriss Eazy, Element, Junior Giti, Dylan Kabaka, ndetse na Christopher Yarakunzwe mu buryo bukomeye, icurangwa cyane mu bitangazamakuru, ibirori nk’ubukwe ifasha benshi kwizihiza, bigeze mu busabane bw’abantu biba ibindi bindi. Ni indirimbo y...

Malaika Uwamahoro agiye kugaragara muri filime ivuga ku bwisanzure bw'abaryamana bahuje ibitsina mu Rwanda

Malaika Uwamahoro ni umwe mu bakinnyi b’inkingi za mwamba bazagaragara muri filime ‘The Heights of Kigali’ ya Yseult Polfliet Mukantabana usanzwe yarubatse izina mu ruganda rw’imideli akaba n’umwanditsi w’ibitabo, ndetse akaba ari n’umwe mu bayobozi bakuru mu Kigo cyitwa POWarts gifite inshingano zo gufasha abagore b’abanyempano bashaka kwiteza imbere mu buhanzi. Ni filime yakozwe na Yseult Polfliet Mukantabana n’umukunzi we babana bahuje igitsina, Anne-Sophie Nanki usanzwe ari umwe mu bayobora ifatwa ry’amashusho ya filime bakomeye mu Bufaransa; aho bakunze kuba bari nubwo banyuzamo bakajya i New York City muri Leta Zunze Ubumwe za Amerika. Igaruka ku rukundo rw’abakobwa babiri bitwa Mwiza na Nshuti. Mwiza muri iyi filime aba ari Malaika Uwamahoro wamamaye mu kuvuga imivugo mu Rwanda, mu gihe Rocky Try we akina yitwa Nshuti. Igihe iyi filime izajya hanze ntabwo kiramenyekana. Mu nkuru y’iyi filime aba bakobwa baba bashaka kuguma mu Rwanda nta nzozi zo kujya hanze yarwo yaba mu Burayi ...

Sobanukirwa akamaro ko kurya igisheke n'uko cyagufasha mu gukora imibonano mpuzabitsina

Ibisheke ni ibiribwa bidakunze guhabwa agaciro, nyamara biraryoha kandi byuzuyemo intungamubiri zagenewe gufasha umubiri gukora neza, bikarinda n’indwara zimwe na zimwe. Ibisheke kandi bifasha mu mibonano mpuzabitsina, kurinda kanseri zimwe na zimwe, ndetse no gusohora imyanda mu mubiri. Abahanga basobanukiwe n’imikorere y’igisheke mu mubiri wa muntu, bavuga ko ibisheke bikoreshwa gake ukurikije uko byagakwiye gukoreshwa. Benshi bavuga ko ibisheke bigenewe abakene. Kandi koko usanga bikoreshwa na bamwe bitwa ko bacirirtse, cyangwa ba bandi batuye mu byaro ahahingwa ibisheke, nyamara ntawe bigenewe ni ibya buri wese. Igisheke kibonekamo intungamubiri zitandukanye zirimo isukari, umwunyungugu wa potasiyumu, umwunyungugu wa karisiyumu, umwunyungugu wa manyeziyumu n’umwunyungugu wa zinc. Uretse kuba ibisheke bifite isukari y’umwimerere, binatuma uruhu rusa neza rukanatoha ntirukushuke. Mu gisheke kandi harimo ubutare bwa fer, vitamin B1, B2 n’izindi. Igisheke gikungahaye ku isukari y’umwim...

ITABAZA.COM

Search This Blog