Ibirwa bibiri byo mu kiyaga cya Kivu bigiye guterwaho amashyamba

Ibirwa bibiri biri mu Kiyaga cya Kivu bya Shyute na Kamiko bigiye kongera guterwaho ibiti 156 000 mu rwego rwo gukomeza gahunda yo kurengera ibidukikije.

Binyuze mu isoko rya Carbone ibihugu bikiri mu nzira y’amajyambere ari na byo bigira uruhare ruto mu kohereza mu kirere imyuka igihumanya, bigirana amasezerano n’ibikize bikishyura ikiguzi ku bikorwa bigamije kugabanya imyuka ihumanya bityo uwishyuye ntabe akibarwa nk’uhumanya ikirere ku rugero rw’ibyo yaguze.

Aha hakubiyemo imishinga yo gutera amashyamba, kuyabungabunga ntatemwe cyangwa kubungabunga urusobe rw’ibinyabuzima bishobora gukurura umwuka wa C02 woherezwaga mu kirere.

Harimo kandi ibikorwa byose bibungabunga ibidukikije nko gukoresha ingufu zisubira n’ibindi.

Umukozi ushinzwe Ubuhinzi mu Karere ka Nyamasheke, Albert Sengambi, yagaragaje ko kuvugurura amashyamba kuri ibyo birwa bizarengera urusobe rw’ibinyabuzima bikomeje gukendera mu kiyaga cya Kivu.

Ati “Dufite umufatanyabikorwa uzadufasha gusazura ibirwa bibiri. Nibimara gutunganywa bizakurura ba mukerarugendo.”

Umukozi mu Kigo kibungabunga Urusobe rw’Ibinyabuzima (Biodiversity Conservation Organization (BIOCOOR), Imanishimwe Ange, yagaragaje ko bizakorerwa ku buso bungana na hegitare 200.

Ati “Kuvugurura ayo mashyamba kuri ibi birwa bifite inyungu nyinshi. Ibiti byatewe bishobora gukurura umwuka wa C02 woherezwaga mu kirere nk’imwe mu nzira zo kwirinda ihindagurika ry’ibihe hagabanywa imyuka ihumanya. Imishinga irebana n’isoko rya Carbone no kwishyura ikiguzi cya serivisi zibungabunga ibidukikije bishobora gutegurwa nyuma y’ivugurura.”

Yagaragaje kandi ko isazura ry’ayo mashyamba rizatanga akazi ku bantu batandukanye n’amahirwe ku banyeshuri bimenyereza umwuga bakora mu rwego rw’urusobe rw’ibinyabuzima.

Ati “Nkuko igihugu gikomeje gushyira imbaraga urwego rwa serivisi, ni ingenzi kuvugurura ibyo birwa kugira ngo abantu n’urusobe rw’ibinyabuzima babyungukiremo.”

Yagaragaje ko mu biti bazatera bizaba birimo ibiti by’imbuto ziribwa ariko 85% ni ibisanzwe birimo n’imiti y’ibimera.

Yashimangiye ko kandi hazajya hifashishwa ikoranabuhanga mu kugenzura imikurire y’ibyo biti bizaterwa ku birwa.

Umuyobozi Mukuru w’Ikigo cy’Igihugu cy’Amashyamba, Nsengumuremyi Concorde, yagaragaje ko u Rwanda rukomeje kwitwara neza ku isoko rya Carbone binyuze mu kubungabunga amashyamba, kuyasazura no kuyacunga.

Ati “U Rwanda rwashyizeho imishinga itandukanye igamije kubungabunga amashyamba no kongera ingano yayo binyuze mu gutera ibiti bushya no gusazura amashyamba. Izo mbaraga zizafasha mu gukurura C02 yoherezwa mu kirere.”

Kugeza ubu u Rwanda rufite amashyamba ari ku buso bwa hegitari 724694, bingana na 30% by’ubutaka bw’igihugu.

Mu 2011 u Rwanda rwiyemeje kuzatera amashyamba ku buso bwa miliyoni nibura ibyeri bitarenze 2030.

Kugeza mu 2030 u Rwanda rwiyemeje kugabanya imyuka ihumanya ikirere kugeza kuri 38%, binyuze mu ngeri zitandukanye zirimo amazi, ubuhinzi, imiturire, ubuzima, ubwikorezi, ubucukuzi n’ibindi, bikazatuma hazaba hagabanyutse imyuka ingana na toni miliyoni 7,5 za carbone ihinduye.

Inkuru ya IGIHE

Comments

INKURU ZIKUNZWE

Abantu 11 batawe muri yombi bazira gufata amafunguro mu gisibo cya Ramadhani

Polisi ya kisilamu muri Nigeria izwi ku izina rya Hisbah, yataye muri yombi Abayisilamu 11 bafashwe bari kurya mu gisibo cya Ramadhan. Aba Hisbah yataye muri yombi nabo muri leta ya Kano yo mu Majyaruguru ya Nigeria, bombi bafashwe barya mu masaha atemewe. Ikinyamakuru African News cyatangaje ko Umuvugizi wa Hisbah, Lawal Fagge, yatangaje ko hafashwe abagabo 10 hafi y’amasoko, ndetse n’umucuruzi w’umugore wafashwe arya ku bicuruzwa bye. Yagize ati: “Twabonye abantu 11 barimo umudamu ugurisha ibinyomoro byagaragaye ko arya ku bicuruzwa bye.” Nyuma yaho abo 11 biyemeje kwirinda ibiribwa cyangwa ibinyobwa byongeye kandi imiryango yabo yasabwe gucunga niba biyiriza ubusa koko. Icyakoze Fagge akomeza avuga ko abatari Abayisilamu batazafungwa mu gihe bazafatwa babagurisha ibiryo mu gisibo. Abayisilamu biyiriza ubusa kuva izuba rirashe kugeza rirenze mu gisibo cya Ramadhan bakaba baragitangiye ku ya 11 Werurwe kugeza ku ya 9 Mata.

Abahanzi Chriss Eazy na Shaffy bari mu byishimo nyuma y'uko indirimo bakoranye iciye agahigo ku rubuga rwa YouTube

Abanyamuziki Shaffy ubarizwa muri Leta Zunze Ubumwe za Amerika ndetse na Chriss Eazy ubarizwa mu Rwanda, bari mu byishimo bikomeye nyuma y’uko indirimbo bakoranye bise ‘Bana’ yujuje Miliyoni 10 ibafasha kujya ku rutonde rw’abahanzi bamaze guca aka gahigo. Ni ibintu bagezeho mu ijoro ryo kuri uyu wa Kane tariki 4 Mata 2024, nyuma y’amezi arindwi ashize iyi ndirimbo bayishyize hanze ku mbuga zitandukanye zicururizwaho umuziki. Yarakunzwe cyane mu buryo bukomeye, iracengera ahanini binyuze ku bantu bayirebaga ku muyoboro wa Youtube wa Shaffy. Iyi ndirimbo yakozwe mu buryo bw’amajwi na Producer Element yagiye hanze ku wa 26 Ukwakira 2023, bivuze ko nta mwaka urashira aba bahanzi bombi bahuje imbaraga. Yanditswe kandi igirwamo uruhare n’abarimo Shaffy, Chriss Eazy, Element, Junior Giti, Dylan Kabaka, ndetse na Christopher Yarakunzwe mu buryo bukomeye, icurangwa cyane mu bitangazamakuru, ibirori nk’ubukwe ifasha benshi kwizihiza, bigeze mu busabane bw’abantu biba ibindi bindi. Ni indirimbo y...

Malaika Uwamahoro agiye kugaragara muri filime ivuga ku bwisanzure bw'abaryamana bahuje ibitsina mu Rwanda

Malaika Uwamahoro ni umwe mu bakinnyi b’inkingi za mwamba bazagaragara muri filime ‘The Heights of Kigali’ ya Yseult Polfliet Mukantabana usanzwe yarubatse izina mu ruganda rw’imideli akaba n’umwanditsi w’ibitabo, ndetse akaba ari n’umwe mu bayobozi bakuru mu Kigo cyitwa POWarts gifite inshingano zo gufasha abagore b’abanyempano bashaka kwiteza imbere mu buhanzi. Ni filime yakozwe na Yseult Polfliet Mukantabana n’umukunzi we babana bahuje igitsina, Anne-Sophie Nanki usanzwe ari umwe mu bayobora ifatwa ry’amashusho ya filime bakomeye mu Bufaransa; aho bakunze kuba bari nubwo banyuzamo bakajya i New York City muri Leta Zunze Ubumwe za Amerika. Igaruka ku rukundo rw’abakobwa babiri bitwa Mwiza na Nshuti. Mwiza muri iyi filime aba ari Malaika Uwamahoro wamamaye mu kuvuga imivugo mu Rwanda, mu gihe Rocky Try we akina yitwa Nshuti. Igihe iyi filime izajya hanze ntabwo kiramenyekana. Mu nkuru y’iyi filime aba bakobwa baba bashaka kuguma mu Rwanda nta nzozi zo kujya hanze yarwo yaba mu Burayi ...

Sobanukirwa akamaro ko kurya igisheke n'uko cyagufasha mu gukora imibonano mpuzabitsina

Ibisheke ni ibiribwa bidakunze guhabwa agaciro, nyamara biraryoha kandi byuzuyemo intungamubiri zagenewe gufasha umubiri gukora neza, bikarinda n’indwara zimwe na zimwe. Ibisheke kandi bifasha mu mibonano mpuzabitsina, kurinda kanseri zimwe na zimwe, ndetse no gusohora imyanda mu mubiri. Abahanga basobanukiwe n’imikorere y’igisheke mu mubiri wa muntu, bavuga ko ibisheke bikoreshwa gake ukurikije uko byagakwiye gukoreshwa. Benshi bavuga ko ibisheke bigenewe abakene. Kandi koko usanga bikoreshwa na bamwe bitwa ko bacirirtse, cyangwa ba bandi batuye mu byaro ahahingwa ibisheke, nyamara ntawe bigenewe ni ibya buri wese. Igisheke kibonekamo intungamubiri zitandukanye zirimo isukari, umwunyungugu wa potasiyumu, umwunyungugu wa karisiyumu, umwunyungugu wa manyeziyumu n’umwunyungugu wa zinc. Uretse kuba ibisheke bifite isukari y’umwimerere, binatuma uruhu rusa neza rukanatoha ntirukushuke. Mu gisheke kandi harimo ubutare bwa fer, vitamin B1, B2 n’izindi. Igisheke gikungahaye ku isukari y’umwim...

ITABAZA.COM

Search This Blog